GÜNÜŇ ASTYNDA IŞLEMEK WE DERINIŇ RAK KESELI

Bütindünýä Saglygy Goraýyş Guramasynyň (BSGG) we Halkara Zähmet Guramasynyň (HZG) bilelikdäki çaklamalaryna görä, günüň aşagynda işlemek deriniň melanoma däl rak keselinden ölümçiligiň üçden birine sebäp bolýar. 2019-njy ýylda 1.6 milliard işe ukyply ýaşdaky adamlar (15 ýaş we ondan ulular) daşarda işläp, günüň ultramelewşe şöhleleriniň täsirine sezewar bolupdyr. Bu ähli işe ukyply ýaşdaky adamlaryň 28%-ine deňdir. Diňe 2019-njy ýylda 183 ýurtdan 19,000 töweregi adam daşarda günüň astynda işlänligi sebäpli deriniň melanoma däl rak rak keselinden ölýär. Ölenleriň 65%-i erkekler.

Deriniň rak keseli gün şöhlesiniň zyýanly täsirine sezewar bolanyňdan ýyllar ýa-da onlarça ýyl soňra döreýär. Şonuň üçin-de, işçiler ýaşlykdan ultramelewşe şöhlesinden goranmalydyrlar.

Daşarda işleýänler ultramelewşe şöhleleriniň täsirini ölçemek üçin "SunSmart Global UV" priloženiýesini ulanyp bilerler.

Hökümetler iş wagtyny günüň dik düşýän günorta wagtyndan üýtgetmek, işçilere bilim we tälim bermek, gün şöhlesi we şahsy howpsuzlygy üçin gorag eşikler (meselem, papak, uzyn ýeňli köýnek we uzyn balak), kölege bilen üpjün etmek ýaly açyk howada işleýänleri gün şöhlesi sebäpli döreýän deri ragyndan goramak üçin syýasatlary, düzgünleri işläp düzmeli we durmuşa geçirmeli. Derä zeper ýetirýän ultramelewşe şöhleleriň derejesini kesgitleýän ultramelewşe indeksi 3 ýa-da ondan ýokary bolanda gorag çärelerini görmeli. Mundan başga-da, deri ragynyň irki alamatlaryny kesgitlemek üçin hyzmatlar we maksatnamalar üpjün edilmelidir.

Çeşme