Russiýanyň güýçleri Ukrainanyň energiýa we ýyladyş infrastrukturasyna hüjümlerini dowam etdirýärkä, ýurduň saglygy goraýyş ulgamy ýowuz gyşa taýynlanýar.

Niger Deltasynda 60 ýyldan gowrak wagt bäri yzygiderli çig nebit gazylyp çykarylýar. COP27-de bellenilmegine görä, bu daşky gurşawa we ýerli ýaşaýjylaryň saglygyna "weýrançylykly" zeper ýetirýär.

ABŞ-da köpçülikleýin ýaragly atyşyklar we gündelik ýaraglar bilen öldürmeleriň ýyly soňlanyp barýar.

19-njy noýabrda, Koloradoda LGTBQ gijeki klubyna edilen hüjümde 5 adam öldi we 25 adam ýaralandy. Koloradonyň polisiýasy entegem ýigrenç jenaýatyň motiwini we sebäbini tapmak üçin derňew geçirýär.

BILIM bilen biliňe täzeçe çemeleş!

Indi biliň aladasyny etmek hasam ýeňilleşdi!

BILIM priloženiýesiniň täzelenen görnüşini ýükläp al we aýbaşyň, saglygyň, hukuklaryň barada gözýetimiňi giňelt!

Eýran häkimýeti köpçülikleýin gozgalaňy basyp ýatyrmaga synanyşýarka, hökümet bir protestçä ilkinji ölüm jezasyny berdi. Bu "jeza tolkunynyň" başlangyjygy bolmagy mümkindigini hukuk goraýjy toparlary duýdurýarlar.

Sentýabryň ortalarynda, 22 ýaşly Mahsa Amini polisiýa edarasynda ölenden soň, ýurtda möwç alan protestlerde 300-den gowrak eýranly öldi we müňlerçe adam tussag edildi.

15-16-njy Noýabrda, dünýäniň güýçli ykdysadyýetli döwletleriniň wekilleri Indoneziýanyň Bali şäherinde geçirilen G20 sammitine gatnaşdylar. Onuň gün tertibinde inçekesel adatdan daşary mesele bolup durýar.

Inçekesel ýüki agyr bolan Indoneziýa, G20 sammitinde kesele garşy göreşmek ugrunda ilkinji çagyryşy berdi. Geçen ýyl inçekesel 1.6 million adamyň ölümine sebäp bolup, COVID-19-dan soň iň ölümçilikli ýokanç keselleriň ikinjisidir.

Taýlandyň Pattaýa regionyndan "Jenap Prezerwatiw" lakamly Mechai Wirawaidýa ömrüne göwreliligiň öňüni alyş serişdeleri bilen bagly stigmalary ýok etmek ugrunda iş alyp bardy. Ol Taýlandda prezerwatiwleriň öz ady bilen, ýagny "Mechais" diýip atlandyrylmagyna-da garşy däl. Wirawaidýa prezerwatiw habarlylygyny artdyrmak we sosial ösüş üçin prezerwatiw dizaýnly "Kelemler we Prezerwatiwler" restoranyny hem açdy.

"AIW keselli adamlara we beýleki ejiz toparlara garşy stigmanyň we diskriminasiýanyň güýçlenmegi Gündogar Ýewropa we Merkezi Aziýa sebitindäki AIW epidemiýasyna çäre görmekde esasy päsgelçilik bolmagyny dowam edýär. Sebitdäki ýurtlaryň ählisinde AIW-iň ýokuşmagy we AIW-iň aýan edilmezligi jenaýat hasaplanýar. Döwletleriň aglabasynda birmeňzeş jynsly gatnaşyklaryň gadagançylygy aýrylan hem bolsa, geý erkekleri we erkekler bilen jynsy gatnaşykda bolýan beýleki erkekleri kemsitmek adaty zat bolup galýar" – diýip, Gündogar Ýewropa we Merkezi Aziýa üçin UNAIDS-iň ýerine ýetiriji müdiriniň orunbasary we sebit boýunça direktory Eamonn Mörfi belleýär.

2022-2026-njy ýyllarda, Ýewropa Bileleşiginiň (ÝB) maliýe kömegi bilen, Merkezi Aziýa döwletleriniň bäşisinde (Gazagystan, Gyrgyzystan, Täjigistan, Türkmenistan, Özbegistan) 10 million ýewrolyk taslama durmuşa geçiriler. Taslamany BSGG/Ýewropa amala aşyrar we onuň netijesinde 5 ýurduň saglygy goraýyş ulgamy mäkämleşer.

Şu ýylyň fewralynda Kolumbiýanyň ýokary kazyýeti abort gadagançylygyny aýyrdy. Indi Kolumbiýada dünýäniň iň liberal kanunlaryndan biri bar.