Ýakynda, Hytaý nol-COVID syýasatyny yza tesdirip, berk sosial çäklendirmeleri ýeňilleşdirjek 10 ädimi yglan etmegine garaşylýar.

2019-njy ýylda ýola goýulan nol-Covid strategiýasy COVID-19 bilen göreşmekde Hytaýyň esasy maksady bolup, COVID hadysalaryň sanyny mümkin boldugyça nolda saklamak. Bu maksada ýetmek üçin ýurt köpçülikleýin test etmek, keselleri hassahanalarda karantinde we tutuş şäherleri berk lokdaunda saklamak ýaly çäreleri alyp bardy.

Pentagonyň çaklamalaryna görä, ABŞ-nyň ýaragly güýçlerinde her gün 45-den gowrak erkek adam jynsy taýdan zorlanýar. Harby gullukdaky seksual trawmalary habar beren weteranlaryň 40%-ine golaýy erkeklerdir.

BSGG-nyň täze hasabaty maýyplaryň aglabasynyň beýleki adamlara seredeniňde kesellemek we wagtyndan öň ölmek howpunyň has ýokarydygyny görkezdi.

Maýyplar üçin saglyk deňligi baradaky global hasabata görä, ulgamlaýyn we yzygiderli saglyk deňsizlikleri sebäpli maýyplaryň köpüsi maýyp dällere garanyňda has ir, hatda 20 ýyl wagtyndan öň ölüm howpy bilen ýüzbe-ýüz bolýar.

COVID-19 - yň ýetginjeklerde goýan täsirlerine depressiýa, howsalalylyk, gorky degişlidigi öňden mälim. Stanford uniwersitetiniň alymlary pandemiýanyň täze bir täsirini tapdylar: beýniniň wagtyndan öň garramagy.

Alymlar pandemiýa döwründe lokdaunda bolan ýetginjekleriň beýnisiniň pandemiýadan öň barlanylan ýetginjekler bilen deňeşdirende azyndan 3 ýaş garrandygyny anykladylar.

Dünýäde her gün 12.000 töweregi adam şikeslenme we zorluk sebäpli ölýär. BSGG-nyň "Şikeslenmäniň we zorlugyň öňüni almak: gysgaça syn" atly täze hasabatyna görä, 5-29 ýaş aralygyndaky adamlaryň ölümiň iň esasy 5 sebäbiniň 3-si ýol heläkçiligi, öldürilmek we susid bilen baglanyşykly.

Bulara goşmaça, şikeslenme bilen bagly ölümçiliklere gark bolmak, ýykylmak, ýanmak we zäherlenmek degişlidir. Ýyllyk 4.4 million şikeslenme bilen baglanyşykly ölümleriň ~ 3-den 1-i ýol heläkçiligi, 6-dan 1-i suisid, 9-dan 1-i adam öldürmek, 61-den 1-i uruş we çaknyşyklar sebäpli bolýar.

Tamponlaryň zäherli düzümini barlan TikTok wideosy adamlary aýbaşy önümlerine esewan etmäge iterdi. Alymlar şol barlaglaryň käbiriniň dogrydygyny aýdýarlar.

Lukmanlar we resmiler tamponyň zäherli düzümi baradaky wideonyň ylmy taýdan subut edilmedigini aýtsalar-da, tampondaky maddalaryň zyýanlydygy barada käbir subutnamalar bar.

Geçen hepde, BSGG maýmyn mama keselini başgaça atlandyrmagy hödürledi: "mpox", ýagny mmamasy.

BSGG näme üçin keseliň adyny üýtgetdi? BSGG-nyň beýannamasyna görä, şu ýyl bütin dünýäde wirus ýaýrap başlandan soň "rasist we kemsidiji sözler" onlaýn we käbir jemgyýetlerde ulanylyp başlandy. Soňra, gurama keseliň adyny üýtgetmek barada haýyşlar gelip başlady.

BSGG-nyň habar bermegine görä, geçen ýylda 40 million çaganyň waksinany sypdyranlygy sebäpli gyzamyk wirusy "howply derjede" ýaýraýar.

COVID-19 dünýäde iň ýokanç keselleriň biri bolan gyzamyga garşy waksinanyň sypdyrylmagyna we netijede, keseliň rekord derejede köpelmegine getirdi. Pandemiýa gyzamyga gözegçiligiň gowşamagyna sebäp boldy we jogap meýilnamalarynyň ýerine ýetirilmegine päsgel berdi.

BSGG-nyň täze gözlegine görä, dünýä ilatynyň ýarysyna golaýy diş çüýreme (karies), ýiti diş eti keseli we agyz ragy ýaly agyz boşlugynyň keselleri bilen göreşýärler.

3.5 milliard adam (aglabasy pes we orta girdejili ýurtlardan) agyz boşlugynyň kesellerinden ejir çekýärler. Şolaryň 2.5 milliardynda bejerilmedik diş çüýremesi bar.

Soňky on ýylda, ABŞ-da maýadarlaryň dolandyrýan hususy toparlary lukmanlarynyň ofislerini, göz saglygynyň klinikalaryny, diş klinikalaryny we müňlerçe lukmançylyk merkezlerini satyn aldylar.

Kaiser Health News-yň derňew hasabatyna görä, bu üýtgeşme maýadarlaryň has köp girdeji gazanmagy üçin bahalary gymmatlatdy we idegiň hilini peseltdi.