Yrakly lukmanlar ýurtdaky lukmanlara edilýän hüjümleriň köpelmegi bilen öz saglygy we howpsuzlygy barada alada edýärler.

Awgustyň başynda çap edilen sowalnama görä, Bagdatly lukmanlaryň 87%-i COVID-19 pandemiýasy döwründe syrkawlaryň ýa-da olaryň maşgalalarynyň edýän zulumymyň artandygyny habar berdiler.

Hytaýyň gündogarynda ýüze çykan täze genipawirusyň pandemiýa döretme ähtimallygy pes bolsa-da, wirusyň gelip çykyşy baradaky täze barlag zoonoz wiruslaryň (haýwanlardan adama geçýän) aňsat we duýdansyz ýaýramagynyň mümkindigini görkezýär.

Wirus ilkinji gezek 2018-nji ýylda gyzzyrma, kelleagyry, üsgülewük we ýürek bulanma bilen keselhana ýerleşdirilen daýhanda anyklanyldy. Şondan bäri, Şandong we Henan regionlarynda şoňa meňzeş simptomlar 35 adamda tapyldy. Häzire çenli ölüm hadysalary habar berilmedi.

Täze kanunyň güýje girmegi bilen, Şotlandiýa dünýäde mekdeplerden we beýleki jemgyýetçilik ýerlerinden mugt aýbaşy önümleriniň üpjün edilmegini talap edýän ilkinji ýurt boldy.

2020-nji ýylda biragyzdan kabul edilen we şu ýylyň 15-nji awgustynda güýje giren Aýbaşy Önümleri Akty aýbaşy önümlerini "jemgyýetçilik hajathanalarynda hajathana kagyzy ýaly" elýeterli etmegi maksat edinýär.

Bütindünýä Saglygy Goraýyş Guramasy islendik medeni, jemgyýetçilik, milli, sebit, hünär ýa-da etnik toparyň stigmatizasiýasynyň öňüni almak üçin maýmyn mamasynyň 2 görnüşini Clade I we Clade II diýip täzeden atlandyrdy. Gurama maýmyn mamasynyň adyny üýtgetmegi hem göz öňünde tutýar.

Çeşme

15-nji awgustda Talybanyň Owganystany täzeden ele alanyna bir ýyl doldy. Bu döwürde ýurt ynsanperwerlik krizisine sezewar boldy we bir nesil gyzlaryň gelejegine badak atylyp, mekdepde okamak gadagan edildi. BMG görä, ilatyň ýarysyna golaýy ýiti açlykdan ejir çekýär.

Merkezi Aziýanyň beýleki ýurtlarynda bolşy ýaly, Türkmenistanda hem jynsy orientasiýa we gender şahsyýetligi meseleleri henizem tabu hasaplanýar. "Türkmenistanda LGBT adamlar: Görünmeýänler, Diskriminirlenýänler we Ýazgarylýanlar" atly täze gysga hasabat Türkmenistanda LGBT-leriň ýüzbe-ýüz bolýan ýagdaýlary barada maglumat berýär. Hasabat degişli kanunçylygyň we tejribäniň häzirki ýagdaýyny hem-de ýurduň 1991-nji ýylda garaşsyzlyk alany bäri bolup geçen üýtgeşmeleri seljerýär. Şeýle hem, hasabatda geteroseksual däl adamlary diskriminirleýän, kemsidýän, däp bolan sosial-medeni kadalaryň we tejribeleriň saklanylmagyna gatnaşýan adamlar kesgitlenilýär.

Mongoliýada gyzlyk barlaglary geçen ýyl gadagan edildi. Ýöne bu mekdepleriň gyzlaryň razylygy bolmazdan bu barlagy geçirmegine päsgel bermedi we barlaýjylar jogapkärçilige çekilmedi.

20 ýurtda entegem gyzlyk perdesiniň barlagy geçirilýär. Mongoliýada mekdep ýolbaşçylary okuwçylaryň ýa-da ene-atalaryň rugsady bolmazdan gyzlyk barlagyny etmegi buýurýarlar.

UNAIDS-iň täze hasabatyna görä, iki ýyl bäri dowam edýän pandemiýa we deňsizligiň artmagy sebäpli AIW-e garşy global göreş örän haýallady.

Hindistanyň pes girdejili sebitlerinde jemgyýetçilik hajathanalarynyň arassaçylygy aýal-gyzlaryň köpüsini biynjalyk edýär. Köpler hajathanalary ulanmazlyk üçin az suwuklyk içýändiklerini we peşewlerini saklaýandyklaryny aýdýarlar.

Täze global ylmy barlag kyrkdan ululara garanyňda 40 ýaşa ýetmedikleriň alkogol içmesiniň saglyk töwekgelçilikleriniň has ýokarylygyny we peýdasynyň asla ýoklugyny görkezdi.

Ýaşlaryň alkogolly içgileri içmekden doly saklanmalydygyny gözlegi geçiren ylmy barlagçylar aýdýarlar.