Täze immun terapiýasy pasiýentde aşgazanasty mäziniň ragynyň ösüşini togtatdy. Bu bejermesi kyn hasaplanylýan rak keseline garşy göreşde seýrek duş gelinýän üstünlikdir.

Amerikan rak keselleri jemgyýetiniň (ACS) maglumatlaryna görä, aşgazanasty mäziniň rak keseli iň ölüm howply raklaryň biri bolup, bu keseliň diagnozy goýlandan soň näsaglaryň diňe 11%-i 5 ýyl ýaşaýar.

Örän meşhur sosial mediýa TikTok adam söwdasyny edýän toparlaryň iş alyp barýan ýerine öwrüldi. Olar Bangladeşdäki garyp gyzlara modellik karýerasyny wada berip, Hindistana alyp gidýärler. Işlemäge derek, gyzlar jynsy taýdan zorlanylýar we tenini satmaga mejbur edilýär.

Hasabatlara görä, her ýyl 50,000 Bangladeşli gyz Hindistana satylýar. Şu ýylyň maýynda Hindistanda TikTok Hridoya ömürlik türme jezasynyň berilmegi bilen, gyzlaryň käbiri özleriniň Hridoy tarapyndan satylandyklary we gaýta-gaýta toparlaýyn zorlanma sezewar bolandyklary ýaly wakalary jikme-jik aýdyp berdiler.

Hassahanada bejergi alyp-gaýtmak çagany hemişe halas etmeýär. Lancet Global Health tarapyndan geçirilen täze barlag işi Afrikanyň we Günorta Aziýanyň 6 ýurdunyň 9 hassahanasyndan boşadylýan çagalaryň soňra ölüm töwekgelçiliginiň artýandygyny ýüze çykardy.

Barlagda 3,101 sany ýiti keselli 2-23 aýlyk çagalara hassahana kabul edilmeginden başlap, çykarylandan soň 180 güne çenli gözegçilik edildi.

Indiki hepde BSGG-nyň ekspertleri maýmyn mamasynyň global taýdan ýaýraýyş ýagdaýyna baha bermek üçin duşuşarlar.

Häzire çenli maýmyn mamasynyň wirusy keseliň endemik däl 32 ýurduna ýaýrady we 1,600+ hadysa hasaba alyndy.

Päkistanyň hökümeti ýabany poliomiýelitiň juda artmagynda waksinalaryň ret edilmegini we wakisinasiýa hasabatlarynyň galplaşdyrylmagyny günäkärleýär.

Päkistan 1 ýyldan gowrak wagtlap poliomiýelitden azat gezipdi. Emma, Demirgazyk Waziristanda geçen aý ysmaz galan çaga ýurtda 8-nji poliomiýelit hadysasy boldy.

Liwanyň 2019-njy ýyldaky ykdysady çökgünligi bahalaryň galmagyna we saglyk işgärleriniň emigrasiýasyna sebäp bolup, saglygy goraýşy kyn ýagdaýa saldy.

Braziliýada Alsgeýmer diagnozy goýlan pasiýentleriň köpüsi üçin diagnoz olara ideg etmegiň başlangyjy däl-de, soňy bolup biler.

Hökümet goldawynyň ýetmezçiligi zerarly, ýagdaýdan maşgalalaryň özleri baş alyp çykmaly bolýarlar.

Şoňky geçirilen ylmy barlag maýmyn mamasynyň ýaýrap başlanyna has köp wagtyň bolandygyny orta atýar.

Mart we aprel Hindistanda soňky 122 ýylda hasaba alnan iň yssy aýlar boldy. Aprelde günorta-günbatar Hindistanda ortaça temperatura adatdakylardan 3 gradus galyp, 35.9 gradusdan geçdi. Päkistanda welin howanyň ýylylygy 50 gradusa ýetdi.

Netijede: Tokaýlarda we zir-zibil dökülýän ýerlerde ýangynlar döredi, ekinleriň hasyly 10-35% azaldy, talaplaryň artany sebäpli tok we suw gytaldy. Şeýle-de, irki hasabatlarda yssydan 90 adamyň ölendigi habar berildi, emma bu sanyň hakykatda has ýokary bolmagy çaklanylýar.

Täze çap edilen Temmäki atlasyna görä, dünýäde çilim çekmek ilkinji gezek rekord derejede peselip, 2007-njy ýylda 22.6%-den 2019-njy ýylda 19.6% -e çenli azaldy.